X’inhuma l-passi tal-proċess tal-prenotazzjoni?
Meta tissottometti l-formola tal-prenotazzjoni, aħna ser noħolqulek kont. Ser tirċievi d-dettalji kollha permezz tal-imejl. Il-kont ser itik aċċess għall-app tal-ivvjaġġar DisoverEU, fejn tista’ tiċċekkja r-rotot tal-ferroviji u l-ħinijiet biex tippjana l-vjaġġ tiegħek, taċċessa l-card ta’ DiscoverEU EYCA tiegħek biex tibbenefika minn eluf ta’ skontijiet madwar l-Ewropa kollha u tingħaqad mal-komunità DiscoverEU biex taqsam l-esperjenzi tiegħek ma’ vjaġġaturi oħrajn bħalek. Se ssib il-Pass DiscoverEU tiegħek direttament fl-app.
Step 1
Aċċessa l-formola tal-prenotazzjoni tiegħek
Aċċessa l-link personali tal-booking tiegħek (mibgħuta lilek permezz ta’ [email protected])
Step 2
Ivverifika l-identità tiegħek
Bħala parti mill-formola tal-prenotazzjoni, inti ser tintalab tivverifika l-identità tiegħek.
Step 3
Issottometti l-formola tal-prenotazzjoni tiegħek
Ladarba tlesti, issottometti l-formola tal-prenotazzjoni
Kif nibda l-proċess tal-prenotazzjoni?
Inti (ser) tirċievi/irċevejt stedina bl-imejl bil-lilnk tal-formola tal-prenotazzjoni personali tiegħek.
Biex tlesti l-booking tal-vjaġġ, ikollok tippjana ftit affarijiet. L-aktar importanti huwa li jkollok karta tal-identità jew pass lest biex tivverifika l-identità tiegħek.
Meta timla l-formola tal-booking tal-vjaġġ, ċerta informazzjoni tkun diġà mimlija minn qabel, ibbażata fuq id-dejta li ksibna mill-proċess ta’ verifika tal-identità tiegħek. L-informazzjoni mimlija minn qabel tinkludi:
- Indirizz tal-email
- Kodiċi tal-applikazzjoni
- Isem
- Kunjom
- Data tat-twelid
- Pajjiż li ħareġ il-karta tal-identità/pass
Għandek bżonn iktar informazzjoni dettaljata?
Agħti ħarsa lejn iċ-Ċentru tal-Għajnuna fejn tista’ ssib it-tweġibiet għall-iktar mistoqsijiet frekwenti.
Dak kollu li għandek bżonn tkun taf dwar il-Pass DiscoverEU
Pass tal-Interrail ta' DiscoverEU
Kun fejn tixtieq tkun, flessibiltà sħiħa
Ivvjaġġa mingħajr dati u destinazzjonijiet fissi minn qabel
Ikkonferma l-Pass Mobbli tal-Interrail tiegħek u lesti r-riċerka tiegħek iktar tard.
Ser tkun tista’ tuża’ l-pass mobbli tiegħek fl-app tal-Ivvjaġġar ta’ DiscoverEU.
Tista’ tattiva l-Pass tiegħek sal-ġurnata meta tibda tivvjaġġa.
Waqt il-vjaġġ, ippjana inti u għaddej, biddel id-direzzjonijiet u ħalli l-vjaġġ jiżviluppa waħdu.
Ivvjaġġa fuq ferroviji għal 7 ijiem fi żmien xahar
Tista’ tuża l-pass tul 7 ijiem li tagħżel int waqt perjodu fiss ta’ xahar. Ivvjaġġa fi ġranet konsekuttivi, jew ifrixhom matul ix-xahar. Tista’ tirranġa kollox direttament mill-app tal-ivvjaġġar ta’ DiscoverEU.
Ivvjaġġa waħdek jew fi grupp
Huwa f’idejk li tagħżel jekk tivvjaġġax waħdek jew fi grupp.
Tista’ tagħżel ma’ min tivvjaġġa meta tapplika għal DiscoverEU, u tibdel dan f’nofs il-vjaġġ tiegħek.
Jekk tivvjaġġa fi grupp, kull wieħed mill-membri tal-grupp se jkollu l-pass tiegħu.
Ivvjaġġar fil-Pajjiż tar-Residenza
Il-Pass tiegħek jista’ jintuża biss għal żewġ vjaġġi speċifiċi fil-pajjiż tar-residenza tiegħek (imsejjaħ il-vjaġġ barra u lura).
Tista’ tivvjaġġa minn kwalunkwe post fil-pajjiż tar-residenza tiegħek sal-fruntiera jew sa ajruport jew port, tista’ tivvjaġġa b’iktar minn ferrovija waħda diment li l-vjaġġi jkunu fl-istess ġurnata tal-vjaġġ.
Ivvjaġġa skont il-pass tiegħek
Bil-pass mobbli, tista’ tibqa’ iktar fit-tul ġo belt jew titlaq iktar qabel minn destinazzjoni li tkun ippjanajt.
Qed tesperjenza xi xkiel fil-vjaġġi tiegħek, bħal ferrovija b’dewmien jew li ġiet ikkanċellata?
Tista’ tieħu l-ferrovija li jmiss jew tbiddel ir-rotta tiegħek.
Importanti li Tkun Taf
Qabel ma titla’ fuq ferrovija, karozza tal-linja jew dgħajsa, kull vjaġġ jeħtieġ li jiġi rrekordjat fuq l-app tal-ivvjaġġar ta’ DiscoverEU taħt is-sezzjoni “Il-vjaġġ tiegħi” u żżidu mal-Pass mobbli tiegħek tal-Interrail.
Xi ferroviji ta’ distanzi twal jeħtieġu l-prenotazzjoni ta’ seat addizzjonali.